16.12.08

METIDO NUN OVO



Aínda que semelle unha toleada, imos ver que se pode facer con esta...xa que tedes tantas gañas de marcha!!!




15.12.08

O PRIMEIRO ENSAIO...

Se soa así de ben o primeiro día...ídevos adiantando ao que vai ser!!! :-)
Estou encantada de poder traballar e desfrutar facendo música con tod@s vós.

Tamén quero darlle as grazas ao equipo técnico e a María por achegarnos estas imaxes:

video

12.12.08

NON SE POÑAN NERVIOS@S!!!

Os vídeos serven de axuda, pero se non estudades me parece que non vai ser nada... :-)

video
video
video
video
video

10.12.08

NADAL DE LUINTRA

Déixovos a partitura para @s que andades despistados, a perdestes...

O PROMETIDO...

Tal e como quedamos á mañá, póñovos a música para que vos vaiades familiarizando con ela. E estudade ben a letra, que non temos tempo!!




Este é o audio do arranxo que tentaremos tocar nós...índa que vai soar moitísimo mellor, por suposto!

1.12.08

ESTE NENO TEN MOITO SONO

Esta é a nosa adaptación deste arrolo andaluz. Botádelle un ollo que nos vai cumprir o tempo para preparala...

29.11.08

PARA OS MÁIS PEQUECHOS

Este vídeo é unha mistura de humor e boa música dos famosos gato e rato Tom e Jerry, estreado no ano 1947. Tom, un virtuoso do piano, está a dar un recital da 2ª Rapsodia Húngara de Fran Liszt e Jerry, que estaba a durmir dentro do piano, tenta amolalo como sexa.
A curta gañou o Oscar á millor curtametraxe animada de 1946.





Tamén atopei estas outras, de Mickey Mouse, dos anos 1929 e 1935 respectivamente , nos que toca o piano e dirixe unha banda cuns membros moi especiais. Como veredes, a primeira aínda está en branco e negro...fixádevos o maior que é Mickey, ten...80 anos!!!!

http://www.youtube.com/watch?v=o5zdHAspBAQ

http://www.youtube.com/watch?v=j5x43CttVnQ

Son de pouca duración, así que nestes momentos que non sabedes moito que facer, non desperdiciedes a posibilidade de ver estes curtos de calidade.

Pinchade nas personaxes que tedes uns enlaces para SABER MÁIS e para XOGAR.

27.11.08

INSTRUMENTO FANTÁSTICO

É ben certo que a imaxinación non ten fronteiras... cousa que nós aplaudimos, pois permítenos pasar un anaco ben divertido.
Xa me contaredes que vos parece... aínda que non sei que vou ter que facer para que vos animedes a escribirme. Xa sei!! a primeira ou primeiro terá un agasallo (musical, por suposto).

17.11.08

QUEDAMOS PARA O MÉRCORES

AVISO: As nenas e neno que quedades a ensaiar nos recreos temos unha cita o mércores, así como o equipo técnico, que quedades na aula de informática coma sempre.

TAMBORES METÁLICOS (STEELDRUMS)

Podedes ver unha pequena mostra do que se pode facer con este instrumento. Estou pensando mercar un para a nosa clase, e vós podedes contarme que vos parece. No enlace tedes información sobre o mesmo: a súa orixe, clasificación, materiais de construción... .

10.11.08

UNHA BOA COMBINACIÓN DE IMAXE E SON

Para @s que sexades reacios a escoitar eso que coñecedes como música clásica que vos parece un auténtico "rollo", botádelle un ollo e os dous oídos a este vídeo. A obra chámase Sinfonía nº 9, tamén coñecida por Sinfonía do Novo Mundo e compúxoa un señor chamado Antonin Dvorák, da República Checa (se non sabedes onde queda buscádeo), que viviu do 1841 ao 1904. Compuxo esta obra cando estivo en Estados Unidos, dirixindo o Conservatorio Nacional de Música de Nova York. A obra estreouse no ano 1983 no Carnegie Hall.

Para @s que queirades saber algo máis deste compositor ou da obra, tedes os enlaces á wikipedia.

NUNCA É TARDE...

Perdoade por estes días de sequía creativa, pero sigo pendente de que me traiades as autorizacións asinadas, polo que aínda non podo comezar coas gravacións do noso traballo na clase.


Mentres tanto, podedes xogar e practicar nesta páxina, que é moi sinxeliña pero coido que non vos vai estar de máis...



AVISO: As nenas e neno que quedades a ensaiar nos recreos, temos unha cita mañá martes. Vide con ganiñas porque imos empezar EN SERIO!!!!
O mesmiño lle digo aos membros do equipo técnico, que quedades na aula de informática.

30.10.08

PELO GATO VINTE E CATRO

Este documento audiovisual foi creado pola Asociación de Gaiteiros Galegos e paréceme moi interesante para vós. Recolle xogos e cantigas tradicionais e éste (Arao) é un dos videoclips promocionais do disco.


22.10.08

O ANIKUNI (DANZA DO LUME)



Aínda que xa deberiades tela máis que sabida...aí tedes uns vídeos con interpretacións do Anikuni aos que botarlle unha ollada se estades en apuros. A calidade non é gran cousa pero tentarei ir mellorando para os seguintes.


video

Primeira voz-frauta soprano

20.10.08

SEGUIMOS CO ANIKUNI...

video

primeira voz-metalófono alto


video

segunda voz-xilófono soprano


video

baixos-xilófono baixo

19.10.08

AS NUBES VIAXEIRAS

Como xa sabedes, o ano pasado rodouse unha curtametraxe con nenos e nenas de cinco anos, chamada "As nubes viaxeiras". Por se hai algún despistado/a que aínda non a veu, aqui a ten.


1º parte da curtametraxe




2ª parte da curtametraxe




3ª parte da curtametraxe


15.10.08

UN INSTRUMENTO ORIXINAL

Non nos deixará de sorprender todo o que se pode atopar pola rede. Aqui tedes un bo xeito de experimentar cos sons.
hidraulófono

23.9.08

STOMP

Aqui tedes un dos moitos e interesantísimos vídeos de este grupo de fusión de danza e percusión. Mirádeo con calma porque vannos servir de fonte inspiración... .